Avqustun 30-da “Vətən Müharibəsi Əlillərinə Kömək” İctimai Birliyinin təşkilatçılığı ilə Türkiyə Cümhuriyyətinin “Zəfər bayramı” gününə həsr olunmuş açıq havada tədbir həyata keçirilib.

GAZETTE xəbər verir ki, tədbirin məqsədi qardaş Türkiyənin 30 Avqust – Zəfər Bayramı Gününün 99-cu ilini qeyd etməkdir.

Tədbirdə Boccia İdman Federasiyasının Baş katibi İlham Məhərrəmov, federasiyasının mətbuat və ictimaiyyətlə əlaqələr şöbəsinin rəhbəri Nərmin Kazımova, Azərbaycan Milli Məclisinin deputatı Vüqar İskəndərov, “Azərbaycan Qadın Sahibkarları İnkişafı Assosiasiyası” İctimai Birliyi İdarə heyətinin sədri, Bakı Tekstil Fabrikinin təsisçisi Səkinə Babayeva, azərbaycanlı aktyor, Respublikanın Əməkdar artisti Ağalar Bayramov iştirak edib.