Azərbaycan Respublikasının Prezident Administrasiyasının Humanitar siyasət, diaspor, multikulturalizm və dini məsələlər şöbəsinin müdiri, “Yüksəliş” müsabiqənin Təşkilat Komitəsinin sədri Fərəh Əliyeva və gənclər və idman nazirinin müavini, “Yüksəliş” müsabiqəsinin İşçi Qrupunun rəhbəri Fərhad Hacıyev beşinci “Yüksəliş” müsabiqəsinin qalibləri ilə görüş keçirib.

Fərəh Əliyeva çıxışında Prezident İlham Əliyevin rəhbərliyi ilə həyata keçirilən uğurlu dövlət siyasətinin ölkədə insan kapitalının inkişafına, peşəkar və idarəetmə bacarıqlarına malik kadrların formalaşmasına geniş imkanlar yaratdığını qeyd edib.