Fransanın Arnuvil şəhərinin meri “arzuolunmaz şəxs” elan ediləcək – XİN
“Fransa Milli Assambleyasının üzvü Fransua Pupponi ilk dəfə deyil ki, Azərbaycan ərazisinə qanunsuz səfər edir. O, qatı anti-Azərbaycan mövqeyi ilə seçilir”.
Bunu Azərbaycanın Xarici İşlər Nazirliyinin Mətbuat Xidməti idarəsinin rəisi Leyla Abdullayeva Fransa Milli Assambleyasının üzvü Fransua Pupponinin Azərbaycanın Xankəndi şəhərinə qanunsuz səfəri ilə bağlı KİV-in sualını cavablandırarkən deyib.
L.Abdullayevanın sözlərinə görə, Azərbaycan qanunvericiliyini pozduğu üçün Fransua Pupponinin adı ölkəmizə girişi qadağan olunan xarici ölkə vətəndaşlarının siyahısındadır. Fransa Milli Assambeyasının üzvünü bu qanunsuz səfərdə müşayiət edən Fransanın Arnuvil şəhərinin meri, Sarsel şəhərinin nümayəndəsinə qarşı da Azərbaycana giriş qadağası tətbiq ediləcək. Fransa nümayəndələrinin bu məsuliyyətsiz və təxribatçı davranışı qəbuledilməzdir və bölgədə münaqişə sonrası sülh quruculuğu səylərinə xələl gətirir.
OXŞAR XƏBƏRLƏR
ƏN ÇOX OXUNANLAR
- Bu gün
- Bu həftə
- Bu ay