ASAPES-də şəhid məzun Muxtar Qasımlının anım tədbiri keçirilib.

Fevralın 24-də Azərbaycan Dövlət Bədən Tərbiyəsi və İdman Akademiyasında (ASAPES) şəhid məzun Muxtar Qasımlının anım gününə həsr olunmuş tədbir baş tutdu. Əvvəlcə tədbirdə iştirak edən məzun şəhidimiz Muxtar Qasımlının valideynlərinə Akademiyada onun adı verilmiş auditoriya haqqında məlumat verildi. Akademiyanın akt zalında tədbirin açıq elan edildikdən sonra, Azərbaycan Respublikasının dövlət himni səsləndi və şəhid məzunun xatirəsi bir dəqiqəlik sükutla yad edildi.

Daha sonra Akademiyanın multimedia mərkəzinin hazırladığı qısa videoçarx və film nümayiş olundu. Tədbirdə Gənclər və İdman Nazirliyinin sektor müdiri Aydın Məmmədov, Milli Olimpiya Komitəsinin vitse-prezidenti Zemfira Meftahətdinova, Suraxanı rayonu Yeni Azərbaycan Partiyasının sədri Vüqar Seyidov, ASAPES-in İdmanın təkmübarizlik növləri kafedrasının müdiri Qalib Əbiyev, Suraxanı rayon icra hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Elmar Hüseynov, Azərbaycan Bodibildinq və Fitnes Federasiyasının prezidenti Rauf Bunyatəliyev, həmçinin tanınmış fitnes məşqçi Kamil Zeynallı və şəhidin ailə üzvləri çıxış edərək şəhid məzun haqında ürək sözlərini və xatirələrini bölüşdülər.

Sonda Akademiyanın prorektoru Fərid Mansurov şəhid atası Əli Qasımova xatirə nişanı olaraq, ASAPES-də keçirilən zəfər sərgisində nümayiş olunmuş portreti təqdim edib. Akademiyanın 14 məzun şəhidi haqqında hazırlanan video çarxa baxıldıqdan sonra, xatirə fotosu çəkdirildi.