Bakı Baş Gömrük İdarəsində xarici ticarət iştirakçıları ilə növbəti görüş keçirilib.

Dövlət Gömrük Komitəsinin Gömrük Siyasəti və Rəqəmsal İdarəetmə baş idarələrinin nümayəndələrinin iştirakı ilə gömrük-biznes əməkdaşlığı çərçivəsində keçirilən görüş qarşılıqlı dialoqun gücləndirilməsi, sahibkarların rəy və təkliflərinin öyrənilməsi, xidmət keyfiyyətinin yüksəldilməsi məqsədilə təşkil edilib.

Bakı Baş Gömrük İdarəsinin rəisi Elmir Ramazanov gömrük sistemində həyata keçirilən yeniliklər, rəsmiləşdirilmə proseslərinin sadələşdirilməsi və biznes nümayəndələrinə daha əlverişli mühitin yaradılması istiqamətində görülən işlərdən bəhs edib.

Həmçinin bəyannamələrin doldurulması zamanı qarşıya çıxan çətinliklərin aradan qaldırılması, rəqəmsal həllərin təkmilləşdirilməsi və digər mövzular ətrafında müzakirələr aparılıb.

Sonda biznes nümayəndələrinin təklif və rəyləri dinlənilib, onları maraqlandıran suallar ətraflı cavablandırılıb.