Futbol üzrə Azərbaycan Premyer Liqasında IV tura yekun vurulub.

Turun son görüşü “Azərsun Arena”da “Qarabağ”la Sumqayıtın eyni adlı komandası arasında keçirilib.

“Sumqayıt”ın müqavimətinə baxmayaraq görüş meydan sahiblərinin 2-0 hesablı qələbəsi ilə başa çatıb. Matçda hər iki qolu millimizin yarımmüdafiəçisi Filip Ozobiç (24′(p), 95′) vurub.

Başa çatan oyunlardan sonra Premyer Liqada turnir cədvəlində 4 turdan sonra ikihakimiyyətlilik yaranıb. Keçirdikləri 4 matçda 3 qələbə 1 heç-heçə əldə “Qəbələ” və “Qarabağ” 10 xalla ilk iki pilləni bölüşdürürlər. Yalnız 1 görüşdə rəqiblərinə məğlub olan “Neftçi” 3-cü pillədə qərarlaşıb.

Xatırladaq ki, son turun ötən həftə sonu keçirlən qarşılaşmalarında “Qəbələ” “Səbail”i 5-0, “Neftçi” isə “Keşlə” 3-0 hesabı ilə məğlub etmiş, “Zirə” – “Sabah” görüşündə isə 1-1 bərabərlik qeydə alınmışdı.