Bu gün Ağdamın “Qarabağ” klubu UEFA Konfrans Liqasının üçüncü təsnifat mərhələsinin cavab oyununu keçirəcək.

Gazette.az xəbər verir ki, “Qarabağ” Tofiq Bəhramov adına Respublika stadionunda Kiprin AEL komandasını qəbul edəcək. Saat 20:00-da başlayacaq və “CBC Sport” TV kanalı vasitəsilə yayımlanacaq matçı estoniyalı baş hakim Kristo Tover idarə edəcək.

Ağdam təmsilçisinin heyətində 3 itki var. Müdafiəçilər Bədavi Hüseynov, Elvin Cəfərquliyev və Rahil Məmmədov zədə səbəbindən oyunu buraxacaq. Qonaqlarda isə Entoni Georgiu koronavirusa yoluxduğu üçün oynamayacaq.

Qeyd edək ki, Kiprdəki ilk matçda 1:1 hesablı heç-heçə qeydə alınıb.

Ağdam klubunun mətbuat xidmətinin rəhbəri Gündüz Abbaszadənin verdiyi məlumata görə, sözügedən matç üçün artıq 9 mindən çox bilet satılıb.